| ︽ᠰᠣᠯᠣᠩᠭᠠ︾ ᠱᠠᠩᠨᠠᠯᠲᠤ ᠵᠣᠬᠢᠶᠠᠯᠴᠢ ᠬᠤᠨᠢᠴᠢᠨ ᠪᠠᠶᠠᠰᠬᠤᠯᠠᠩ ᠵᠣᠬᠢᠶᠠᠵᠤ᠂ ᠪᠠᠲᠤᠪᠠᠭᠠᠨᠠ ᠶᠢᠨ | ᠵᠢᠷᠤᠭᠰᠠᠨ ︽ᠳᠡᠯᠡᠬᠡᠢ ᠡᠵᠢ ᠳᠤ ᠪᠠᠨ ᠬᠠᠶᠢᠷᠠᠲᠠᠢ—ᠠᠮᠢᠲᠠᠨ ᠤ ᠦᠯᠢᠭᠡᠷ ᠤᠨ ᠵᠢᠷᠤᠭᠲᠤ ᠳᠡᠪᠲᠡᠷ︾ ᠬᠡᠦᠬᠡᠳ ᠤᠨ | ᠵᠢᠷᠤᠭᠲᠤ ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠶᠢᠨ ᠶᠣᠰᠣᠯᠠᠯ 5 ᠰᠠᠷᠠ ᠶᠢᠨ 19 ᠤ ᠡᠳᠦᠷ ᠭᠦᠭᠡᠬᠤᠳᠠ ᠳᠠᠬᠢ ᠥᠪᠥᠷ | ᠮᠣᠩᠭᠤᠯ ᠤᠨ ᠤᠳᠬᠠ ᠵᠣᠬᠢᠶᠠᠯ ᠤᠨ ᠣᠷᠳᠣᠨ ᠳᠤ ᠶᠠᠪᠤᠭᠳᠠᠯᠠ᠃ ᠲᠤᠰ ᠠᠵᠢᠯᠯᠠᠭᠠ ᠶᠢ ᠥᠪᠥᠷ ᠮᠣᠩᠭᠤᠯ ᠤᠨ | ᠤᠳᠬᠠ ᠵᠣᠬᠢᠶᠠᠯ ᠤᠨ ᠣᠷᠳᠣᠨ᠂ ᠣᠷᠳᠣᠰ ᠬᠤᠳᠠ ᠶᠢᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ᠂ ᠬᠠᠨᠬᠭᠢᠨ ᠬᠤᠰᠢᠭᠤᠨ ᠤ | ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠠᠴᠠ ᠭᠤᠣᠯᠯᠠᠨ ᠡᠷᠭᠢᠯᠡᠵᠦ᠂ ᠬᠠᠨᠬᠭᠢᠨ ᠬᠤᠰᠢᠭᠤᠨ ᠤ | ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠠᠴᠠ ᠳᠠᠭᠠᠭᠠᠴᠢᠯᠠᠨ ᠡᠷᠭᠢᠯᠡᠵᠡᠢ᠃ | | | | | ︽ᠳᠡᠯᠡᠬᠡᠢ ᠡᠵᠢ ᠳᠤ ᠪᠠᠨ ᠬᠠᠶᠢᠷᠠᠲᠠᠢ—ᠠᠮᠢᠲᠠᠨ ᠤ ᠦᠯᠢᠭᠡᠷ ᠤᠨ ᠵᠢᠷᠤᠭᠲᠤ ᠳᠡᠪᠲᠡᠷ︾ ᠬᠡᠮᠡᠬᠦ ᠨᠢᠭᠡ ᠢᠵᠢ | ᠠᠷᠪᠠᠨ ᠨᠣᠮ ᠳᠤ︽ᠪᠤᠯᠳᠠᠭ ᠦᠭᠡᠢ ᠪᠣᠷᠣ ᠲᠠᠤᠯᠠᠢ︾᠂ ︽ᠪᠢᠲᠡᠭᠦᠦ ᠬᠠᠷᠠ ᠪᠠ ᠲᠤᠬᠰᠢᠨ ᠤᠯᠠᠭᠠᠨ︾᠂ ︽ᠵᠢᠭᠠᠯ | ᠪᠥᠬᠡᠲᠡᠢ︾᠂ ︽ᠨᠣᠬᠠᠢ︾᠂ ︽ᠡᠵᠢ ᠠ᠋ ᠲᠠ ᠬᠠᠮᠢᠭᠠ ᠪᠠᠶᠢᠨᠠ︾᠂ ︽ᠬᠠᠯᠢᠭᠤᠨ ᠥᠨᠳᠡᠭᠡ︾᠂ ︽ᠳᠤᠭᠤᠢ ᠤᠬᠠᠭᠠᠨ︾᠂ | ︽ᠳᠡᠯᠡᠬᠡᠢ ᠡᠵᠢ ᠶᠢᠨ ᠬᠡᠦᠬᠡᠳ︾᠂ ︽ᠪᠢᠴᠢᠬᠠᠨ ᠯᠠ ᠯᠠ ᠶᠢᠨ ᠬᠥᠭᠵᠢᠶᠡᠨᠲᠡᠢ ᠦᠯᠢᠭᠡᠷ︾᠂ ︽ᠦᠨᠡᠭᠡ ᠪᠠᠷᠢᠭᠳᠠᠭᠰᠠᠨ | ᠨᠢ︾ ᠵᠡᠷᠭᠡ ᠨᠣᠮ ᠢ ᠪᠠᠭᠲᠠᠭᠠᠵᠤ᠂ ᠠᠮᠢᠲᠠᠨ ᠤ ᠶᠢᠷᠲᠢᠨᠴᠦ ᠶᠢᠨ ᠰᠣᠨᠢᠷᠬᠠᠯᠲᠠᠢ ᠦᠢᠯᠡ ᠤᠴᠠᠷᠠᠯ ᠢᠶᠠᠷ ᠬᠡᠦᠬᠡᠳ | ᠪᠠᠭᠠᠴᠤᠳ ᠤᠨ ᠰᠡᠳᠬᠢᠯ ᠢ ᠭᠦᠨᠳᠡᠵᠦ᠂ ᠬᠤᠷᠴᠠ ᠲᠣᠳᠣ ᠵᠢᠷᠤᠭᠯᠠᠯ ᠢᠶᠠᠷ ᠬᠠᠷᠠᠭᠠ ᠶᠢ ᠲᠠᠲᠠᠭᠰᠠᠨ ᠠᠮᠵᠢᠯᠲᠠ ᠳᠤ | ᠭᠦᠷᠦᠭᠰᠡᠨ ᠲᠤᠬᠠᠢ ᠨᠡᠭᠡᠭᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠳᠤ ᠤᠷᠤᠯᠴᠠᠬᠰᠠᠨ ᠤᠷᠠᠨ ᠵᠣᠬᠢᠶᠠᠯ ᠰᠤᠳᠤᠯᠤᠭᠠᠴᠢᠳ ᠡᠷᠳᠡᠮ | ᠰᠢᠨᠵᠢᠯᠡᠭᠡᠨ ᠤ ᠰᠢᠭᠦᠮᠵᠢ ᠦᠨᠡᠯᠡᠭᠡ ᠥᠭᠴᠡᠢ᠃ | | | | | ᠨᠡᠭᠡᠭᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠳᠤ ᠰᠤᠳᠤᠯᠭᠠᠨ ᠤ ᠪᠠᠶᠢᠭᠤᠯᠭᠠ᠂ ᠶᠡᠭᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ᠂ ᠰᠣᠨᠢᠨ | ᠰᠡᠳᠬᠦᠯ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠶᠢᠨ ᠰᠤᠳᠤᠯᠤᠭᠠᠴᠢ᠂ ᠨᠠᠶᠢᠷᠠᠭᠤᠯᠤᠭᠴᠢ᠂ ᠣᠶᠤᠲᠠᠨ ᠰᠤᠷᠤᠬᠴᠢᠳ ᠤᠷᠤᠯᠴᠠᠬᠰᠠᠨ | ᠪᠠ ᠶᠣᠰᠣᠯᠠᠯ ᠳᠤ ᠤᠷᠤᠯᠴᠠᠵᠤ ᠴᠢᠳᠠᠭᠠ ᠦᠭᠡᠢ ᠬᠥᠮᠥᠰ ᠪᠠᠶᠠᠷ ᠤᠨ ᠴᠠᠭᠢᠯᠭᠠᠨ ᠢᠯᠡᠭᠡᠵᠡᠢ᠃ | | | | | ᠵᠣᠬᠢᠶᠠᠭᠴᠢ ᠬᠤᠨᠢᠴᠢᠨ ᠪᠠᠶᠠᠰᠬᠤᠯᠠᠩ᠄ | —ᠲᠤᠰ ᠢᠵᠢ ᠨᠣᠮ ᠢ ᠠᠮᠢᠲᠠᠨ ᠢᠶᠠᠷ ᠰᠡᠳᠦᠪᠯᠡᠵᠦ ᠵᠣᠬᠢᠶᠠᠨ ᠪᠦᠲᠦᠭᠡᠵᠡᠢ᠃ ᠳᠡᠪᠲᠡᠷ ᠪᠦᠷᠢ ᠨᠢ ᠲᠤᠰ | ᠲᠠᠭᠠᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠦᠯᠢᠭᠡᠷ ᠢᠶᠠᠷ ᠪᠦᠷᠢᠯᠳᠦᠵᠡᠢ᠃ | —ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠦᠯᠢᠭᠡᠷ ᠵᠣᠬᠢᠶᠠᠯ ᠳᠤ ᠳᠤᠷᠠᠲᠠᠢ᠂ ᠥᠪᠡᠷ ᠢᠶᠠᠨ ᠴᠦ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠢᠶᠠᠨ | ᠬᠡᠪᠯᠡᠭᠦᠯᠵᠦ ᠶᠠᠪᠤᠬᠤ ᠳᠠᠭᠠᠨ ᠵᠢᠷᠤᠭᠲᠤ ᠨᠣᠮ ᠪᠦᠲᠦᠭᠡᠬᠦ ᠰᠠᠨ ᠭᠡᠰᠡᠨ ᠬᠦᠰᠡᠯ ᠲᠠᠢ ᠪᠠᠶᠢᠯᠠ᠃ | —ᠲᠤᠰ ᠨᠣᠮ ᠳᠤ ᠭᠤᠣᠯᠳᠠᠭᠤ ᠤᠤᠯ ᠤᠨ ᠪᠢᠴᠢᠭᠰᠡᠨ ᠬᠡᠦᠬᠡᠳ ᠤᠨ ᠥᠭᠦᠯᠡᠯᠭᠡ ᠪᠠᠨ ᠥᠭᠡᠷᠡᠴᠢᠯᠡᠵᠦ | ᠵᠢᠷᠤᠭᠲᠤ ᠨᠣᠮ ᠤᠨ ᠠᠭᠤᠯᠭᠠ ᠳᠤ ᠲᠣᠬᠢᠷᠠᠭᠤᠯᠤᠨ ᠳᠠᠭᠢᠵᠤ ᠨᠠᠶᠢᠷᠠᠭᠤᠯᠤᠭᠰᠠᠨ᠃ | —ᠲᠤᠰ ᠨᠣᠮ ᠳᠤ ᠨᠡᠶᠢᠳᠡ ᠳᠤ ᠪᠠᠨ ᠪᠠᠷᠤᠭ ᠵᠠᠭᠤᠭᠠᠳ ᠠᠮᠢᠲᠠᠨ ᠤᠷᠭᠤᠮᠠᠯ ᠤᠨ ᠳᠦᠷᠢ ᠶᠢ | ᠪᠦᠲᠦᠭᠡᠭᠰᠡᠨ ᠪᠥᠭᠡᠳ ᠰᠠᠶᠢᠨ ᠰᠠᠶᠢᠬᠠᠨ ᠤ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠪᠦᠬᠦᠢ ᠳᠦᠷᠢ ᠪᠠᠷ ᠢᠯᠡᠷᠡᠳᠡᠭ᠃ | | | | | ᠵᠢᠷᠤᠭᠠᠴᠢ᠄ ᠪᠠᠲᠤᠪᠠᠭᠠᠨᠠ | —ᠠᠮᠢᠲᠠᠳ ᠤᠨ ᠳᠦᠷᠢ ᠶᠢ ᠪᠦᠲᠦᠭᠡᠬᠦ ᠳᠤ ᠪᠠᠨ ᠤᠤᠯ ᠲᠥᠷᠬᠦ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ | ᠬᠥᠭᠡᠷᠦᠬᠦᠨ ᠰᠢᠨᠵᠢ ᠤᠷᠤᠭᠤᠯᠬᠤ ᠶᠢ ᠬᠢᠴᠢᠶᠡᠭᠰᠡᠨ᠃ | —ᠠᠮᠢᠲᠠᠨ ᠤ ᠵᠠᠩ ᠴᠢᠨᠠᠷ ᠢ ᠬᠠᠷᠠᠭᠤᠯᠬᠤ ᠬᠠᠷᠠᠴᠠ᠂ ᠦᠢᠯᠡ ᠬᠥᠳᠡᠯᠦᠯ ᠢᠶᠠᠷ ᠳᠦᠷᠢ ᠶᠢ ᠠᠮᠢᠯᠠᠭᠤᠯᠬᠤ | ᠶᠢᠨ ᠬᠠᠮᠲᠤ ᠦᠯᠢᠭᠡᠷ ᠲᠤ ᠪᠠᠨ ᠨᠡᠶᠢᠴᠡᠭᠦᠯᠬᠦ ᠶᠢ ᠠᠩᠬᠠᠷᠤᠭᠰᠠᠨ᠃ | —ᠠᠮᠢᠲᠠᠨ ᠤ ᠠᠮᠢᠳᠤᠷᠠᠵᠤ ᠪᠦᠬᠦᠢ ᠣᠷᠴᠢᠨ ᠢ ᠦᠯᠢᠭᠡᠷ ᠤᠨ ᠦᠢᠯᠡ ᠶᠠᠪᠤᠳᠠᠯ ᠳᠤ ᠨᠡᠶᠢᠴᠡᠭᠦᠯᠵᠦ | ᠵᠢᠷᠤᠭᠰᠠᠨ᠃ | —ᠬᠤᠷᠴᠠ ᠰᠣᠷᠭᠤᠭ ᠥᠩᠭᠡ ᠶᠢ ᠢᠯᠡᠭᠦᠦ ᠬᠡᠷᠡᠭᠯᠡᠵᠦ᠂ ᠬᠡᠦᠬᠡᠳ ᠤᠨ ᠬᠠᠷᠠᠴᠠ ᠶᠢ ᠲᠠᠲᠠᠬᠤ ᠶᠢ | ᠠᠩᠬᠠᠷᠤᠭᠰᠠᠨ᠃ | —ᠮᠥᠨ ᠡᠳᠡᠭᠡᠷ ᠵᠢᠷᠤᠭ ᠢᠶᠠᠷ ᠳᠠᠮᠵᠢᠭᠤᠯᠵᠤ᠂ ᠬᠡᠦᠬᠡᠳ ᠤᠨ ᠠᠩᠬᠠᠷᠤᠯ ᠰᠣᠨᠢᠷᠬᠠᠯ ᠢ ᠢᠯᠡᠭᠦᠦ ᠲᠠᠲᠠᠵᠤ᠂ | ᠨᠣᠮ ᠤᠩᠰᠢᠬᠤ ᠰᠣᠨᠢᠷᠬᠠᠯ ᠢ ᠳᠡᠭᠡᠭᠰᠢᠯᠡᠭᠦᠯᠭᠦ ᠶᠢ ᠠᠩᠬᠠᠷᠤᠭᠰᠠᠨ᠃ | | ᠶ᠊·ᠲᠡᠮᠦᠷᠵᠢᠨ᠄︵ᠥᠪᠥᠷ ᠮᠣᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ︶ | —ᠳᠣᠮᠣᠭᠯᠢᠭ ᠰᠡᠳᠬᠢᠬᠦᠢ ᠪᠠᠷ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠦᠭᠡᠢ ᠭᠠᠷ ᠲᠤ ᠪᠠᠷᠢᠭᠳᠠᠬᠤ ᠦᠭᠡᠢ ᠬᠥᠮᠥᠨ | ᠠᠮᠢᠲᠠᠨ ᠤᠷᠭᠤᠮᠠᠯ ᠤᠨ ᠡᠴᠢᠨᠡ ᠨᠢᠭᠤᠴᠠ ᠬᠠᠷᠢᠯᠴᠠᠭᠠ ᠬᠤᠯᠪᠤᠭᠠ ᠶᠢ ᠮᠠᠰᠢ ᠰᠠᠶᠢᠬᠠᠨ ᠢᠯᠡᠷᠬᠡᠶᠢᠯᠡᠵᠦ ᠴᠢᠳᠠᠵᠠᠢ᠃ | | —ᠠᠮᠢᠲᠠᠨ ᠤᠷᠭᠤᠮᠠᠯ ᠬᠢᠭᠡᠳ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠪᠦᠷ ᠠᠳᠠᠯᠢ ᠲᠡᠭᠰᠢ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠭᠡᠵᠦ | ᠦᠵᠡᠳᠡᠭ ᠨᠡᠭᠦᠳᠡᠯ ᠰᠣᠶᠣᠯ ᠰᠡᠳᠬᠢᠬᠦᠢ ᠶᠢ ᠬᠠᠷᠠᠭᠤᠯᠵᠤ ᠴᠢᠳᠠᠵᠠᠢ᠃ | —ᠠᠰᠠᠷ ᠲᠠᠭᠲᠤ᠂ ᠴᠠᠷᠳᠠᠮᠠᠯ ᠵᠠᠮ ᠢᠶᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠬᠤᠳᠠ ᠪᠠᠯᠭᠠᠰᠤᠨ ᠤ ᠬᠡᠦᠬᠡᠳ ᠲᠤ ᠥᠭᠡᠷᠡ | ᠨᠢᠭᠡᠨ ᠡᠯᠢᠭᠡᠰᠡᠭ᠂ ᠳᠣᠲᠣᠨᠣ᠂ ᠳᠤᠯᠠᠭᠠᠬᠠᠨ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠮᠡᠳᠡᠷᠡᠭᠦᠯᠵᠦ ᠴᠢᠳᠠᠵᠠᠢ᠃ | | —ᠡᠭᠦᠨ ᠢᠶᠠᠷ ᠢᠶᠠᠨ ᠲᠤᠰ ᠨᠣᠮ ᠰᠢᠨᠡ ᠰᠡᠳᠬᠢᠬᠦᠢ᠂ ᠰᠢᠨᠡ ᠨᠡᠭᠡᠭᠡᠯᠲᠡ᠂ ᠰᠢᠨᠡ ᠪᠣᠯᠣᠮᠵᠢ ᠶᠢ | ᠦᠵᠡᠭᠦᠯᠵᠡᠢ᠃ | | ᠲᠠᠨᠠ᠄ ︵ᠥᠪᠥᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ︶ | —ᠵᠣᠬᠢᠶᠠᠭᠴᠢ ᠪᠢᠳᠡᠨ ᠲᠠᠢ ᠠᠩᠬᠠ ᠬᠤᠯᠪᠣᠭᠳᠠᠵᠤ ᠨᠣᠮ ᠢ ᠨᠠᠶᠢᠷᠠᠭᠤᠯᠬᠤ ᠠᠴᠠ ᠡᠬᠢᠯᠡᠭᠡᠳ ᠬᠡᠪᠯᠡᠭᠳᠡᠵᠦ | ᠭᠠᠷᠬᠤ ᠪᠤᠯᠳᠠᠯᠠᠭᠢ ᠪᠦᠭᠦ ᠠᠵᠢᠯ ᠮᠠᠰᠢ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠭᠰᠠᠨ ᠮᠥᠷᠲᠡᠭᠡᠨ ᠨᠠᠶᠢᠷᠠᠭᠤᠯᠭᠠ ᠶᠢᠨ ᠶᠠᠪᠤᠴᠠ | ᠳᠤᠮᠳᠠ ᠲᠣᠬᠢᠶᠠᠯᠳᠤᠭᠰᠠᠨ ᠠᠰᠠᠭᠤᠳᠠᠯ ᠢ ᠵᠣᠬᠢᠶᠠᠭᠴᠢ᠂ ᠵᠢᠷᠤᠭᠠᠴᠢ᠂ ᠨᠠᠶᠢᠷᠠᠭᠤᠯᠤᠭᠴᠢᠳ ᠬᠠᠮᠲᠤ ᠪᠠᠷ ᠢᠯᠭᠤᠮ | ᠤᠷᠤᠭᠰᠢᠲᠠᠢ ᠰᠢᠢᠳᠪᠦᠷᠢᠯᠡᠭᠰᠡᠨ᠃ | —ᠨᠣᠮ ᠤᠨ ᠠᠭᠤᠯᠭᠠ ᠲᠣᠪᠴᠢ ᠠᠪᠰᠠᠷᠬᠠᠨ᠂ ᠵᠢᠷᠤᠭ ᠤᠨ ᠥᠩᠭᠡ ᠪᠤᠳᠤᠭ ᠲᠣᠳᠣ᠃ ᠬᠡᠦᠬᠡᠳ ᠤᠨ ᠡᠳᠦᠷ | ᠳᠤᠳᠤᠮ ᠤᠨ ᠬᠡᠯᠡᠳᠡᠭ ᠰᠣᠨᠣᠰᠳᠠᠭ ᠪᠤᠳᠤᠳᠠᠭ ᠭᠡᠯᠡ ᠶᠠᠷᠢᠶᠠ᠂ ᠦᠢᠯᠡ ᠶᠠᠪᠤᠳᠠᠯ ᠢᠶᠠᠷ ᠵᠣᠬᠢᠶᠠᠮᠵᠢᠯᠠᠭᠰᠠᠨ᠃ | —ᠬᠡᠦᠬᠡᠳ ᠤᠨ ᠰᠡᠳᠬᠢᠬᠦᠢ ᠳᠤ ᠲᠣᠬᠢᠷᠠᠭᠰᠠᠨ ᠮᠥᠷᠲᠡᠭᠡᠨ ᠦᠰᠦᠭ ᠲᠠᠨᠢᠭᠰᠠᠨ ᠬᠡᠦᠬᠡᠳ ᠤᠩᠰᠢᠬᠤ ᠳᠤ | ᠳᠦᠭᠦᠮ᠂ ᠦᠰᠦᠭ ᠲᠠᠨᠢᠭᠠ ᠦᠭᠡᠢ ᠬᠡᠦᠬᠡᠳ ᠴᠦ ᠵᠢᠷᠤᠭ ᠢ ᠨᠢ ᠦᠵᠡᠭᠡᠳ ᠣᠶᠢᠯᠠᠭᠠᠬᠤ ᠪᠣᠯᠣᠮᠵᠢ ᠲᠠᠢ᠃ | | |